分卷阅读27(1/1)

第12章：误闯基地（下）

「三...二...一...！Happynewyear！新年快乐！」

酒吧内的喧闹狂欢，从洗手间里听得一清二楚。然而，这一切又好像很遥远。

我双手按住洗手盘，凝视着镜中终於冷静下来的自己。刚才真系好头痛，虽然我明明一滴酒都没有饮过。

我一路以为自己系个想做就做、坐言起行嘅人，亦系因为咁，先有条件做队长、讲梦想。即使系关於感情嘅事，我都无拖泥带水。好似之前被Emily当系货物咁出卖，我都果断地断绝关系。

到咗今日，我先发现自己原来系缩头乌gui。

一直以来，我个内心不断俾提示我，但我通通都听唔到。我最害怕嘅，就系依家Will已经同另一个人喺埋咗一齐。

一方面，我明白Will虽然系同Alvin一齐去咗英国，但唔一定会有事发生，可能系我谂多咗。但另一方面，我又会忍唔住觉得，Willsend俾我嘅selfie笑得咁灿烂，原因就系有Alvin同佢一齐。当日，我明明有机会同Will表白，我却错失咗。如果我有勇气讲出来，依家同Will一齐同游英国嘅人，可能系我。

不过，伤春悲秋唔系我嘅风格。而我已下定心，唔可以再咁婆婆妈妈！

「嘭嘭嘭──」有人在猛地敲门。

我正想回答「有人」之际，出面传来Ivan的声音：「Jerry，你无事呀嘛？你喺入面好耐喇喎？」

我呼了一口气，拨拨头发，伸直背脊，挤出笑容打开门：「噢，Ivan。我个肚有啲唔舒服，可能系头先dinner啲食物唔太乾净。」嘿，人地堂堂六星级酒店嘅dinner，无啦啦比我冤枉话唔乾净，自己讲完都有啲唔好意思。

「？咁呀，你使唔使收工先呀？」Ivan关切地看着我，温柔的眼神居然有点似Will。

我摇摇头：「去完toilet好咗好多，宜家冇事啦。」

Ivan依然有点不放心：「啲客倒数完就会转场，你唔舒服就早啲休息啦。最忙嗰段时间，你已经帮咗我好多

本章已阅读完毕(请点击下一章继续阅读!)